ياعرش بلقيـس ماتذكـر محبينـك

ماتذكـر الـوّد لـو مـره وتلقاني

ماتذكر الليل والضحكـه وخدينـك

ماتذكر الوردتين اللي علـى شانـي

ضميـت كفـك وقلـت الله يازينـك

يوم اجتمعنا وكل صافح الثانـي

فيني من الشوق مايروي ضما عينك

وفيني من الوجد مايستوعب أحزاني

مليت طول الغياب وقلت لك وينـك

آحس كني بوسط النـاس وحدانـي

مشتاق للخوخ محتاج لطعم تينـك

يازهرة الياسميـن وفـل وجدانـي

حن وتلطف على ناسـك ومغلينـك

أذكر سقى الله بلادك ساجع الحانـي

حبيت جرحـك ولا مليـت سكينـك

لي جرحتني حسبت أني أنا الجاني

ونسيت تاجك ولاأذكر من عناوينك

الا أهيّف القد والنظرات وأشجانـي

ولاغرامي معك في سابـق سنينـك

لي جف سيلك تهل بروضك أمزاني

وأن قد تناسيت عن ذكرى محبينـك

ياعـرش بلقيس ماظنيـت تنسانـي