عزم ابدوي 312 حديت همي للصدر والله قوي و خاويت صبري و انتظر حصايله صابر بنية مؤمن و عزم بدوي واقول للدنيا مردك زايله صابر وانا راسي من الفرقا خوي لدلال جود ارجااال يام وايله اخيل برق” ما لرعاده دوي و يتوق قلبي للغصون المايله الى عوى سرحان بالليل اعوي تقول كن عواه لي و عواي له والونه اللي تكوي الظامر كوي كنها تقول الوقت شف عمايله ارجي السنين اللي تميل و تستوي و ابطت و هي يا بو محمد مايله دورت لي مثلك على الشده خوي و لا لقيت إلا الوجيه الدايله أحدٍ سوي لكن مهو دايم سوي و الى تجمل بك حسب جمايله و أحدٍ إلى منه شبع و الا روي قفا و يبغاني يا اخوك احايله و أحدٍ إلى شفته عرفت اني قوي ضعيف نفس و يفرح بشكواي له و احدٍ يقول إنه يقدرني أوي ! والمشكله عنده باصول العايله و اللي طوى حالي يا بو محمد طوي إني سمعت القول من فم قايله يقول تبغى لك مثل فيصل؟! يوووي! عز الله ماأنت بلاقي مثايله لو تلوي ذراع الزمن بيدك لوي مثيله أبعد من نجوم القايله و اللي ما حصل له مثل فيصل خوي وش حده لطرق الدروب الطايله؟!
ملحمة نجران