عــلـــى الـــبـــال 175 يالله ياخالق ٍمافي السماء العالي ياباسط الارض للي ساكن ٍ فيها ياعالم ٍ غيب ماتخفيه الاحوالي يافاهم ٍ مابنفسي وأنت واليها يافارج الهم فرج هم رجّالي دنياه شابت براسه من بلاويها وأسباب مابه عبير ٍ يابري حالي عجزوا الدكاتر بعلّه من يداويها لا شك ما يعجز الله دامه الوالي ومن قدّر الداء لها قادر ويشفيها مسعود ياتاج راسي كنزي الغالي معزتك بالجوف مأحد ٍ يوازيها لك هيبة الشيخ في الاقفاء والاقبالي روحك لكسب المراجل دوم مشقيها عيبك شجاع ٍ كريم ٍ طيب أفعالي ونفسك عزيزه من الهفوات حاميها أبوك شيخ القبيله حامي التالي شيخ ٍ من شيوخ يام ٍ أن ذكر ماضيها ملحان يازبن من هو شاف الاهوالي شيخ ٍ ولد شيخ للعليا يقديها كريم سبلى شجاع ٍ طيب الفالي لي جيت أباحصي المكارم مأقدر أحصيها له مسكن ٍ ماسكّنه أول ولا تالي روحي ملكها ولو يبغى بينهيها ياخوي همك ترى همي ولو طالي ليت السعاده تباع بسوق وأشريها لو هي بالاموال والله لأدفع أموالي مادام مالي يحقق لك رجاويها لا تحسب أني عديم أحساس مابالي وأني هني الحياه اللي تعانيها لا والذي صوّرك ماكنت أنا سالي ياكيف أنا أسلى وأنت تسهر لياليها الخوة اللي تجعل الصدق مدهالي صعبه على الشمّات يدخل مبانيها والخوة اللي تسمّع القيل والقالي لابد للي ناوي الشر يعميها وصلاة ربي في نهاية مقالي على الرسول الهاشمي بأختم معانيها
ملحمة نجران