على المكرمي منا سلام الولاء واللين

معطر من التقدير بالمسك والكادي

علي حاسن الشيخ أبيض الوجه والتاجين

على طاعة الله مثل نور القمر بادي

يقدر ولاة الامر واصلاح ذات البين

يهمه ودعوتنا له درع وسنادي

وتحية يا أبو ساق الشهم حي تيك العين

محمد على شيخ الشمل من هل القادي

أبوك قد سرى الله يرحمه والعرب ممسين

وقف في يتم في دار أهل كور وشدادي

وعنيت وتعنيت وتقدمت للوافين

وهاذي سلوم شيوخ يام هل الوادي

حكام ورجال أعمال وشيوخ مهتمين

أعيان ومسئولين وجموع وأفرادي

وجميع القبائل عايشين ومتوفين

لهم بالغ التقديرتعبير وأنشادي

تجملت يابن شثين واعفيت يابن شثين

ونرفع لك البيضاء على روس لشهادي

حكيم وشجاع وفيك نخوة وراعي دين

حليم ومتواضع وصادق ومتقادي

وعلم الحياء والطيبين الكرام يبين

مثل ماتبين الشمس من وجهة الغادي

سترت العجوز إللي غدت تصفق الكفين

وتزهم على آل شثين وتصيح وتنادي

واخوانك على كسب النواميس متمالين

وكل أبزياك طيور حوران وجيادي

وربعك حزامك سيفك الواصل الظفرين

بنوا للعفو راية مودين وأسيادي

ومن حسن ذاتك يا بن سالم كلامك زين

نويت الجميل ودلك الله ياهادي

عفيتوا لوجه الله يا قدوة المعفين

بلا قيد وشروط وترحيل وابعادي

حسبتوا لما عند الله ونعم يا الذربين

وتركتوا ملايين الطمع جعلها الحادي

وسبعة شهر شوال عيد الشهر وسنين

عفو من كرام أكبار تمجيد وأمجادي

شاعر وعيل

الأستاذ والأديب علي بن منصور آل مطلق

ملحمة نجران موسوعة الشعر والشعراء

مُثار … علوم وأخبار