عند الضحى عديت روس الطويـلات

اهيـض قولـي مــن طـويـل الشناتـيـر

حافت لولا اللعب في بعـض الأوقـات

ان اغــدي مـثـل الـحـطـب السعـامـيـر

بـرقّـت فــي الدنـيـا وريــت المهـمـات

ومـن راقـب الدنيـا يـشـوف التعابـيـر

عـــودت مـنـهـا بالـعـلـوم السـهـيـلات

خلـيـتـهـا كــــرب وعــجــز وتـنـذيــر

قـبـلـي نـشــو فـيـهـا بـحـيـل وقــــوات

راحــو وهــي بقـيـت وعــاد التذاكـيـر

مــا دامــت الدنـيـا عـلـي بالـسـلامـات

كـــل صـديــق لـــي ولابـــه تـنـاكـيـر

فـلـي دارت الدنـيـا عـلـي بالقـضـيـات

بــان الـكـذوب وصادقـيـن التسـاريـر

مـعـبــر ٍ دنــيــاي والـعــبــد مـــــوات

وأجــمّــل الـدنـيــا بـعـيـشـه وتـعـبـيـر

واصـبـر عـلـى الدنـيـا بقوالـعـزامـات

واجحـد الــى جـانـي مــن الله مقـاديـر

مــن ذلــة يشـمـت عـلـي كــل شـمـات

واللي جرى قد صـار مـا بقـي تأخيـر

لرزاق تاتي من صلا الـرب خصـات

والـمـوت مــا تنجـيـك مـنـه التحـاذيـر

عينت انا الرجله علـى خمـس شايـات

لـي قصـروا منـهـا الـرخـوم المثابـيـر

الاولـــه حـامــي عـقــاب المـحـيـنـات

حامـي الذليـل مـن الجمـوع الطوابـيـر

والثانـيـة مــن حــي بالـعـز ثــم مــات

يصبر على الشطات في الشر والخير

والثالـثـة مــن كــان عـنـده سـيـاسـات

يظهـر إلـى صـكـت علـيـه المسامـيـر

والرابـعـه لــي جــا مــن الـعـي زلات

يــدري عليـهـا مــن قــلال التباصـيـر

والخامسه من له على العـز صيحـات

لـي كبـرت الحجـه يصّـعـب لشـاويـر

بعض العـوال ايجـي شبابـه غنومـات

وبعض العـوال يجيـك شـر بـلا خيـر

يــا الله يـــا كـتّــاب حـسـنـا وسـيــات

يـــا وارث الـدنـيــا عـلـيــك الـتـدبـيـر

تفـرج لمـن كثـرت اهمـومـه ولابــات

والقـلـب كـنـه ينـطـرق واهــج الكـيـر

يـــا ونـــة ونيـتـهـا عـشــري مـــرات

ونيـن مـن صـدري يشـادي المزاميـر

لـولا ضلـوعـي فــوق قلـبـي محـنـات

بيفـر مـن صـدري كـمـا فــرة الطـيـر

يـا عيـن جـودي بالدمـوع الغـزيـرات

ابـكـي عـلـى مـافـات مـالـك مـعـاذيـر

ابـكـي وانــا بـــاون والـــج بـصــوات

لـــج الـحـمـام بـعـالـيـات المـقـاصـيـر

علـمـي بـربـعـي والـبـيـوت المـبـنـات

في ذي الديار اللي زفـت بالمخاضيـر

والـيــوم ذي الـديــرة قـفــار خـلـيــات

دار ٍ تهـيـض المشتـحـن مابـهـا خـيـر

هنـي أبـو مـن شافهـم مــا بـعـد مــات

فــــي ذا الــبــلاد محـيـفـيـن دواويــــر

ناخـذ مـع اهـل الـعـز كيـفـه وسـجـات

ونـوسـع الـخـاطـر بـكـثـر المسـايـيـر

مـن عقـب مـا كنـا بفـزعـة وغــارات

نتبـع مشاهـي لـرض ونغـيـر وننـيـر

قـدحـنــا نــعــد أيـامــنــا لـلـمـعـاشـات

نكتـب الاسامـي بيـن ضابـط ومـديـر

في حكم أخـو نـوره مسـوي المهمـات

اظــن مــا مثـلـه عـقـب سـالـم الـزيــر

الله يـوفــقــه الـســعــد والــســلامــات

ومــن سـايـح الجـنـه يجيـلـه تبـاشـيـر