فاضت علينا رياض المجد باازهى الجمال

في .. روضة خريم .. مرباع القروم الدهاه

لا ضاقت .. فجوج صدرك ياالسنافي تعال

وسجّ القدم وسط روض ن ربّك اللي عطاه

جينا من اقصى الجنوب وربعنا م الشِّمال

جمعا .. الرفاقة تسرّ الخاطر .. ومبتغاه

دعوى أل مسرع تشوق العين في كل حال

من بار .. فيه الزمان .. الصلف ربعي وزاه

حمر النواظر على الميعاد شدوا الرحال

من .. خوفة البرد.. كلن مكثر ن في دفاه

مانع .. تقدّم وجهّز .. خيمته والدلال

ابو حسين .. يجيب العلم .. لي ما نواه

وهذا يجيب الحطب .. واللي يشد الحبال

واللي .. يدنّي لنا .. المعمال .. حيّا نباه

وكلّن ..على الضَّوْ .. يوشي زوّدوها اشتعال

في البَرّ .. ياتيك زاده .. كل شي له طراه

الكيف لي طاب ..باب الشعر جا له مجال

أعسف ..مهاره .. واطوّعها تجي في حضاه

مع النشاما .. يطيب الكيف .. والهمّ زال

يلقى بها .. اللي يحب البَرّ .. غاية مناه

لفا ابن .. خرصان وابن قريش نعم الرجال

زادوا .. الوناسه وناسه واسعدونا الغلاه

فيالله .. علينا بسترك .. يا رفيع الجلال

يا ربنا .. اللي ندوّر .. كل .. ابونا رضاه