فناجيل الوفا 221 هلا ياللي سكنتي نظرة عيوني طوال الليـل جبرتي الشوق في قلبي يبين لك على اوراقي نعم يامهرةٍ شقرا من اوصافك تغيـر الخيـل سريتك ليل عذبنـي ولابيـن لـه اشراقـي سألتك بالذي خالق زحل والمشتري وسهيـل تخليـن الوفـا بينـي وبينـك للابـد باقـي تقهويت الصبر عشرين عام ولاطعمت الهيل فناجيل الوفـا عديتهـا مـن دلـة اشواقـي واقول اخذي فداك اللي قليل المعرفه والحيل خذي كل المحبه جبتها من داخـل اعماقـي مشت بي خطوتي يمك امشيها عدل وتميـل وقبل آقف على دربك تعثر بالمشـي ساقـي على ذا الحال من مبطي ولاظنيت له تعديـل لزوم اصبر ولو اللي حصل ماعاد ينطاقـي قضت كل السوالف والحكي ماعاد له تطويل أحبك حتى لو انك نويتي بالهـوى احراقـي
ملحمة نجران