فيني من طبوع الحرار الشراسه

وفيني من طبوع الخيول التأنف

وفيني من طبوع البداوه فراسه

وكلٍ على حسب عمله بيتصنف

واغراض شعري كلبوها مقاسه

لان الشعر بالذات عندي مكنف

شعر الوطن يجيك كله حماسه

والخاين بشعري تشوفه معنف

وعلى سبيل الامثله والدراسه

كتبت باحساس العشيق المدنف

وولعتها حب وغرام ونهاسه

وكم واثقٍ عقب الرساوه تحنف

مانيب من دنق مع الناس راسه

واشوم من شوف الاوادم تخنف

واليامشيت امشي بليا حراسه

والحمد لله ماخلقني مجنف

وكلٍ على طوله افصل لباسه

وفيني شموخٍ عن بعضهم تشنف

كتلة نعومه كلبوها شراسه

تتعب تصنفني وانا ما اتصنف