في ذمتي ذمه يبعض الرجاجيل

انه حقيق ان بالغناوالتجاره

معى الحكومه والمواطن عطا الحيل

ويفزع مع المحتاج ليعُقر داره

الله يزيده من لجر والمحا صيل

وجعله يشيد عند ربي وقاره

راعي مواقف ولثقايل جمل شيل

جعله قوي ولا يلبّس جباره

هاذا الذخر نسل الفهود الحلاحيل

وراعي وفا في دولته ببتكاره

وراعي مواقف سابقه يردع الميل

مع رفيقه والمحمل وجاره

لله مسيره مايبا رد تبديل

الله يحماه من المرض والخساره

الشيخ صالح مايبا الهرج تطويل

معروف من فعله قرين النعاره

ابن سلامه راعي الزود بالكيل

مدت يمينه غيرمدت يساره

راعي وفا مشهود ماهو بتضليل

واجب علينا نذكره باعتباره

انشهد ان لفكار من وقعه تعيل

وشوش بها راسي وسوالي اثاره

لاني مجامل له ولاهو بتمثيل

هاذا رفيقي وانتصر بانتصاره

واقولها ماني براعي تهاويل

ولا بطماعٍ يلوح بشاره

من فضل ربي عندي الخير تدبيل

لاكن قليل اللي بياصل مساره

هاذا كلام الصدق والفعل تدليل

واضح وضوح الشمس لضحا نهاره