يا قبلة الخلق قلبي ليش تلعب به

ما احد ٍ يسوي سواتك يا مشقيني

يا لعنبو كل قلب ما حفظ حبه

لا ابو دموع النفاق اللي تمسيني

لا ابو ضمير ٍ ما هو بيخأف من ربه

لا ابو الثقه في بعض الاشكال يا عيني

يا هاجسي كل هم بالحشى خبه

ومن لا يقدر خفوقي كيف يعنيني

يا هيه صب اشقر الفنجال لي صبه

اما يداوي الخوى والا يلهويني

ويا هيه ولع حريقه والحطب شبه

باحرق بقايا جروح ٍ باقيه فيني

ان كان مرسول قلبي ما قضى نبه

ما اني بابن كحله ان ما جيت تدعيني

من باعني لا حشى ما امشي على دربه

الله يسهل عليه ولا يخاويني

الجرح كيه بنار البعد هو طبه

ويا فاقد الشي ما انطر منك تعطيني