نويت واقول لاتنسون صندوقي

اللي به ارتاح في دربي مسياني

ابغي لامني شوشت ابل معلوقي

واسفط من الخط لامن التعب جاني

طفت المراكز وقلت ابشتري سوقي

شيكت باقي نواقص عدتي فاني

لامعي صندوق والعمه ماهي فوقي

والهاتف اللي خزنته للسفر خاني

حوقلت من قلب واشتدت بي عروقي

غيضٍ غريب على من كان نسّاني

قلت العوض بالطريق اشوف مخلوقي

من هالرعاوين جنب الخط وحداني

اصبِحه مع طلوع الشمس بشروقي

ويفز يرحب قُدم خيمته يلقاني

مع دلة مهيله وبريق مفهوقي

وافراد تمرٍ حوَفها ذكر رحماني

من شرقي خريص ياللي تدل لطروقي

شفته يساري ترى عزبته عنواني

جيته وانا مشوشٍ ياجعله العوقي

ابغي من البٌن رشفه حيل شفقاني

لقيت برَاد به شاهييه محروقي

بارد وذوده عشاير مابها داني

حيلٍ تعومست واتحسرمن عموقي

السّفرة اللي بلا عده ماتهناني

كملت مشوار شفي والوقت دوقي

وانكفت باخذ قضى هذا من الداني

تاكلني اكفوف يدي لقبضة حلوقي

واقتص باللي تسبب بكل ماجاني

بعد وصولي عقلت وقلت من شوقي

عساااه يسلم من بالبيت قهواني

هاذي قضية سفر اكبر من الطوقي

للي يعرف المعاني هزل وسماني