لا واهني 366 بدع القصيده صار والجو خلاب وحبيت اسجل وانتظم لك قصيده يامل قلبٍ من هوى الزين ماتاب ولا برد له دم داخل وريده يقول لي في قصة إذهال وإعجاب مالك ومال جروح حبٍ جديده اصبر ولو قلبك من الخل مرتاب شيء بيدك آخير من لاتصيده وإن كان قد عزمت وقليبك إنصاب وخفت العواقب ماتجي لك حميده فإرحل وشد وسق مع العجمه ركاب ولا تجبرر الخاطر بما لا يريده لا واهني من لا عرف شعر وكتاب ولا إمتلى بنك الحزن من رصيده ولا تقفل في طريقه مية باب ولا تحمل له ظروف ٍ شديده يبرك لحمله ماتثاقله لا هاب رجلٍ علومه في المراجل زهيده قلته وأنا توي على السالفه شاب وحبيت أغني لك قصيده فريده مضمونها قلبك إذا صار ماتاب عطه هوى نفسه وماهو يريده وإسلم وسلم لي على عكف الاشناب وعساك في نعمة حياةٍ سعيده وأنا لمثلك درع وحزام وأسلاب وسيفٍ لمثلك في مواقف عديده ولانعتذر منك ولا نذكر أسباب والصين يامشكاي ماهي بعيده والحين كملت القصيده ولا شاب قافي وهذي باقة لك جديده
ملحمة نجران