ماعاد به شي يستاهل محاتاتي

لو كان للموت موعد ماتجاهلته

سجيت رجلي وطالت بي مسافاتي

ياكم شيء من العالم تساهلته

صبري ملا كاسي وفاضت معاناتي

والفقد حطم ضلوعي ماتغافلته

هليت دجله عيوني وامتلا فراتي

مافيه حمل ثقيل الا تحملته

ارخيت متني لحزن احياي وامواتي

وشليت حمل الرجال اللي تثاقلته

بعضي تماسك وبعضي صاير شتاتي

وشرعت بابي لنقص الناس واكملته

ماقلت هالناس ماحزنو لعبراتي

ماقلت هالشخص جاملني وجاملته

ارضيت ربي وعقب ارضيت انا ذاتي

ماني مراية بشر تعكس معاملته