راكب من عندنا من فوق قبا

حايل ما استبكرت عفرا لعوبي

خذبها مع كل درب مستحبا

من وسط نجد توجه للجنوبي

ولا تخليها تروجم خب خبا

لجل تأصل ديرتي. قبل الغروبي

ديرتي نجران فيها الراس شبا

وفيها عيا القلب عن عشقه يتوبي

دار ربعي عزوتي يام ابن يصبا

مكرمين الضيف نيران الحروبي

كل قرم اصوك ، سيف مخبا

مقبض الفولاذ في كفه يذوبي

ومن حبونا خذ يمين وثار ذبا

ثار وادي لابة تجلا الكروبي

لابة تارد حياض الموت غصبا

آل مطلق عزوتي وقت الخطوبي

وخص من قلبي شفوق له محبا

درع قومه سيفهم عجل الضروبي

شيخهم وليا حد عنهم تنبا

دايم ابن قنيفذ عنهم ينوبي

والدي يا سعد من مثله له أبا

تاج راسي في المهمات محسوبي

شوق من بالعز من صغره مربا

نابية لرداف ساحرة القلوبي

وعاشق وسام الشرف مثله يحبا

مزبن اللي من دناياه محروبي

وبلغه مني سلام صب صبا

مثل صب السمن طعمه طعم نوبي

وقله: إن نابيه جاني يوم نبا

وهاض قلبي لين غناله طروبي

ثم جعلت الخرج والوادي مطبا

صوب من حلو النبأ جا منه صوبي

صوب من وقف بصفي ما تغبا

ساعة فيها الرديين أخلو بي

قالها اللي لجل صوت ابوه لبا

ومن ورا هيت هذبها للجنوبي