مرحبا ياراشد القرم من عقب العلاج

والسلامه لك من الله عساها لك تدوم

اكتمل فرح ال حنيتم وزاد الابتهاج

بعد شوفك يالمسافر مع زين العلوم

كل مومنٍ لابلى بعد الشدايد الانفراج

قالها الله في كتابه وهو رب رحوم

يالسنافي جعلها لك حسانيَ وخراج

واحتسب للأجر فيها لدى منشي الغيوم

مرحبا بك يالسنافي عدد مالنور باج

ياعزيز الجار والضيف مقرى ومحشوم

ياسلالة من تعزوى بيومٍ به عجاج

وانثنى عند التوالي معه ربع قروم

لابةٍ تقدم على الموت مافيها حناج

ترخص الارواح لاصاح صياحٍ مشوم

اشهد ان لي لابة مدحهم كيف ومزاج

طيب ذكر وزين علمِ ولا فيهم رخوم

صلب جدي لالفا الموت في ساعة حراج

هم هل الرَده بذكرٍ مع العالم يدوم

وان لفاهم معسر القوم يعطى بازدواج

وترفع العاني على الراس مابات مهموم

والزبين اتروح سنتين مايشكي انعواج

وان بغاها تزيد زادوه في شرع السلوم

من البحيح من ال مره لاقيل الموت راج

كلهم من دون حقه يجمَل في اللزوم

والقبايل مانهثمهم وكلً له مداج

والختم صلو على من بعث فينا عموم