الله اللي بك رماني ورمشك كم رمى

بالحنايا من سهومٍ لها عشرين نوع

يا أقرب من الهم وأبعد من نجوم السما

بأسالك باللي بلاني بحبك يا القطوع

ليه طيفي كل ما مر وارتمى

في خيالك ( ضامي) ما سقاه إلا الدموع

وليه يا أبعد ما طموحي حلم به كلما

عاشقك يمك تقدم نويتي بالجوع

قلت لك ودي بشوفك: وقلتي عندما

نكبر ويكبر غرامي ويسكن بالضلوع

ويوم حبك للشرايين والقلب انتما

وانكتب له بين الاضلاع ( ممنوع الطلوع)

قلتي: اصبر قلت: وشلون ياعذب اللما

اصبر وطول الصبر حطني رجلٍ جزوع

والعمر قفى وانا بين كيف وربما

بين نيران الكرامة وحبك والخضوع

والحقيقه مابقى بالعمر صبر انما

لجل عينك بأتصبر على فرقا الربوع

ودام ربي بك رماني فرمشك لو رمى

مال لطعناته مقر سوى حدب الضلوع