عاش من سوى المزاين باقتراحه

جعل يفداه الردي بالعون جدي

المحنا عاش تبغون الصراحه

رايه اللي فيه خير وفيه جِدي

قدم مهمته ماجاته براحه

لولي الامر مامنه مردي

لين جات موافقتهم بالسماحه

في مزاين المجاهيم بتحدي

كل راعي مجهمٍ تضوي مراحه

جابها للفوز مامنه مصدي

المزاين قام يستاهل نجاحه

من قبايل هل قطر من دون عدي

جعل يسلم من تكلف به وباحه

شيخته ماهي من راسه وردي

رجل علم وفعل وبعقله رجاحه

من الامور الكايده ماهو يصدي

لو بنذكر كل طيبه في المساحه

يعجز الكتّاب بعلومٍ تعَدي

والمحنا فاز بها هاذي الصراحه

كاسب الناموس ماعنه تعِدي