نبدا بذكرك يا إله الخلق يالمحيي المبيد

والله لوحدانيته نقرا قل هوالله احد

مانخضع إلا له ولي حد كادنا ماحن نكيد

انه ردي سبناه وأنه كفو نعطيه الصمد

وانا لما غنيت حبيت الفريده فالجديد

واتعب على اللي يرجع الشايب لما اسمعها ولد

واصيغها لين الصخور اتلين ويذوب الحديد

ولين اشعر ان حتى هبوب النود تاقف فالجلد

ازهم بساميها وتاتي اللي على غيري شريد

واجر من جزلاتها مهما بغيته من عدد

واركز انظاري على المقبول فيها والحميد

واللي يبا الشرهين ماتشره على اقواله زهد

في ظل قدراتي لتطويع العسيفه والمريد

وخبطي على راس العصيه لين تهدا وتخمد

وابدي براسي واقدح زنادي ولا عندي زهيد

وابارز الشجعان فالميدان والقا فالوعد

وارقا على مبداي فالقمه من الواطي بعيد

مايرغب الواطي سوا اللي لاجدير ولا جهد

ولا الفت انظاري ولا ناطح سوا راسن شديد

روس ان تشرف فالقا ولها نعد ونستعد

اما صغار الروس لاهي صيد ولاهي بفيد

ولا تثمن في مزاد ولا تجمل فالهدد

وسلام الذ من العسل ونصدره عبرالبريد

مني لبو فيصل دبل مدبول ما يحصاعدد

ويا معطري نزل على الحاله جديدي ياوليد

شعبيتك ومتا بعيك كثير ياوجه السعد

بنشب ضو ان يجذب الساري سناها من بعيد

وبيجي العشا من عند رب البيت حلال العقد

ومن ذمنا ماهمنا واللي مدح مايستفيد

ماحن نجامل واحد من الصدق والواقع نقد