يا علي خذ مني خلاصة الهرج الصحيح💎

كان تبغى صدق لخبار والعلم اليقين .

والله ما يمدح مديح سوى شخص مديح 

ولا يصفق للتفوق سوى المتفوقين 

ولا يقول يصح لسنك على نظم الفصيح

غير من له في مجال الأدب نهج مبين 

ولا يشت الشمل ويحلل الأمر القبيح 

غير ناقص عقل قاطع وصل نذل لعين 

ولا يصجك غير من يرفع أصوات النبيح

وانت لو ترمي له العظم يربض في البطين 

مفردات يكرم الشهم منها والفليح 

وتصمد وجه سفه ذليل ما يبين 

ولا جعل قاموس للفاظ في شعري شحيح

غير وصفي للشياطين والمستذنبين 

السنين اللي مضت كان قلبي مستريح

وانا في شدات ما يختلف فيها ثنين 

بس لو هبت علي العام هذا ادناة ريح 

نقضت في قلبي جروح والفقدان شين 

يا علي يا بوك قدلي وانا قلبي جريح 

آتظاهر بالسعاده وانا قلبي حزين 

سعد منهو زيد جا عينه النوم المريح

ماهو بمثلي نهاره وليله مستوين 

من سبب حكم لقطع الروابط يستبيح

لا بعد صار بزمنا ولا مع الأولين 

قاري في دين موسى ونوح والمسيح 

واتبع سنة محمد ودين المسلمين 

ولا بعد قريت او سمعت عن دين يبيح

للنساء الأمر والنهي بين العالمين 

فكان شفتوني وانا في حجا المرقب واصيح

فذا قليل من كثير ! عسى ربي يعين

هذا علمي جاك من راس رجال صريح

كن قلبه صولجان وصخر ما يلين