وجودي وجود الي مريضً صعيب إدواه يتيم الزمان ولا لقى من يداوونه ولا له نصيبً فالعذارا ولا مشهاه وقفوا بني عمه ولا عاد يطرونه كفيف العيون وعزتي له على ماجاه ولا جاه من ربعه غمارً يدلونه يشوق المراجل لاكن الوقت ماخلاه يحده زمانه والمرض حل بركونه وهو خابر انه ينطح الجمع والعداه وهقوات ربعه خيّبت كل مضنونه تخيّر صديقاً صادقً وافياً مجناه يوقف معك لاكلح الوقت بسنونه يدور الزمان ويظهر الرجل مايخفاه يبيّن معى سود اليالي بمكنونه ترا محزم الرجال فالوجه ولا الجاه يثنّي الحزام وينقضي كل مديونه مدامً له أخوان على العز ماتعصاه وربعه بني عمه رجالاً يحبونه وطاعة جليل الملك ماقال فيها آحاه ورضا والدينه مكسبه مايغصبونه هذا المحزم المليان يوم الردي خلاه ماهو يرتخي والناس ماتنقصر دونه
ملحمة نجران