ود ي بتسميع العرب مايحبون

مافيه طاري عيب والا مسبه

وانا اعرف اللي ليتكلمت يصغون

ويعطوني من فوق ماقول نبه

الله يقدرني على مايريدون

واجي بعلم لكل ناسي منبه

كم قد تغنينا معا من يغنون

ولنا مقاصد به ونبغا الطربه

وياكم رسمنا الوصف في كل مزيون

شين صحيح وشي خيال مشبه

وكم قبلنا تابو ولاهم يتوبون

وتسهل لماقدهي خفايف وذربه

امّ انا فقد باتوب وبليس ملعون

ماعاد بعد الشيب عمر وشبه

والشعرله مبدا ومنها وقانون

ماهو بماء سبيل من جا شربه

ولا بروز وتو منهم يصفّون

ويفرح لما لعبو بعيب ان لعبّه

كثيرهم ماقال مثله يقولون

مثل العما ولا المشعوث يطبه

ماني بالول قبل شُعار ذالكون

قبلي وبعدي كل شاعر تحبه

يبنون صح وكل مبنا وله لون

واحسن بنا ماحط برا مشبه

ولا بشرط ان كل مابني مضمون

ويزال ليما لاق صبه وقبه

ومنهو افضل الشعار يلي تعرفون

شاعر على مبداه ويخاف ربه

من شار لتقوا فنا منه ممنون

ومن قرب قلوب البشر للمحبه

ومن قال قول العدل في صف مغبون

وينطق بنطق الحق لو ماطلبه