وشحالك وآخر علمها بها ساع ينطقها

يقوله وهو عن حالتي لو درى ما ضاق

كلمه كلن بعادات قومه موثقها

كيف الحال وش لونك عسى ما عليك أعواق

كم قيلت ولكن مسمعي ما تحققها

فانا فالسلوم الدارجه ما اكثر البراق

سؤال وكلام مواجره ما نفرقها

كلام نقوله فاللقا بعد طول فراق

بس سمعتها ساعه جلال دقايقها

وأنا بيني وبين الشقا خصمة وخناق

وشحالك؟ نطقها قلت له يا نما سقها

فأنا حالتي ما تنجهس لك ولا تنطاق

أنا حالتي ضو ن بيمناي شاعقها

مثل اللي بمينه في عيونه فقع لحداق

ضو ن تدهر فيني ولعصاب تحرقها

ما بين الرئه وكلاي والكبد والخفاق

عسى الله يطفيها فلا عدت طايقها

ومن تالي الصبر غلق وصدري ضاق

وعسى الله يهون كل عقده ويطلقها

يفك الزرار بزين ويخلخل المزناق

وأنا اشكي لقرم النواميس يعشقها

أخوي وخوي اللي يخاويه فالآفاق

انا أشكي يبو تالا وروحي مطوقها

هموم وهواجيس وحزن وألم واشواق

مريض شكى العله وبين حقايقها

وينخاك يا دكتور تلقى لها ترياق

يا رفعان قدلي فرح روحي مفارقها

وراحة بالي ابعد من نجوم السما الشهاق

ومع إن الأمل شمسه تغرب واشرقها

ومن شكلي ما فيه أحدن بخافي ظروفي تاق

وعيني تحدا أقوى المصايب تؤرقها

خبرك بالجبل لو هو جليدي مذبه شاق

فانا انسان والإنسان روحها ما يندقها

سوى يوم تهمل ما يخلا لها إستحقاق

ولا يطريك تسرج لي من خيولك اسبقها

يكفيني من الرجال وصل وزين أخلاق

شاب القاف والأقوال ماهو يطبقها

سوى صابر شرواك مبسوط مهما ذاق