وصف الشعار 240 مادامت الدنيا لأبو زيد والزير يلي تبي العالم على ماتريده لابد مايحصل عليها تغايير وتشوف قدامك امورٍ عديده وتسج فالدنيا بليا تفاكير وترجع الماضي شوي وتعيده وتاخذ من الواقع دروس وتدابير وتبني قصورٍ في خيالك مديده وتكتب من ابيات الشعر والتعابير وصفٍ مدى معناه لأرضٍ بعيده والشعر له معنى وقصد وجماهير وكلٍ على ماقيل يبني قصيده شاعر هجا فالناس من دون تبرير وشاعر كثير المدح عبا رصيده وشاعر مولع فالخلى والصقاقير وشاعرعلى الأفلاك شعره يجيده وشاعر على وصف البنات الغنادير وشاعر عذاب الحب يكوي وريده وشاعر على باب الجفا دمعه ايحير وشاعر على باب الوصل تكتب ايده وشاعر قصيده في وصوف السيايير وشاعر قصيده دوم يرثي فقيده وشاعرهواه البل شعل ومغاتير وشاعر شبوب النار تسرد فريده وشاعر يقول الحق من شرٍ وخير وشاعر حكم يكتب معاني حميده وشاعر يوصف فالدلاال المباهير وشاعر حداثه كل يوم الجديده وشاعر على ماسارت الفكره اتسير وشاعر على صوته يجمل نشيده وشاعر يقول الشعر يحتاج تغيير ويحتاج له ناسٍ بوسطه تشيده وانا اقول الشعر مافيه تقصير دام ان في وسطه عقولٍ رشيده جدلانٍ اولهم ياسلطان يامرير والكل منكم في مجاله وليده
ملحمة نجران