ياالله يااللي فارض(ن) حجة البيت

ياواحد(ن) من فوق خلقه تعلّى

نرجيك يامعبود للحي والميت

اليا دعاك العبد همّه تجلّى

أسّين يااللي من عرا القلب ونّيت

كبدك لهدْها بدر يوم انه ولّى

جرّيت ونّاتك وسقت التناهيت

وازريت عن عالي رجومك تعلّى

دنيا تحذف الناس موت(ن) وتشتيت

وبقعا ليا غابت لزوم ن تطِلّى

غزتْك ياجابر خذت كربة البيت

اللي لحمل الربع لي ثقل شلّا

الله يعيضه في حياته بتثبيت

ويسكن جنان الخلد فيها يحِلّا

الله عطى والله خذا لو تمنّيت

ما قِسم للمخلوق يا خوك هلّا

الناس هذا حالهم لو تقصّيت

حتى الذي طالت حياته يمِلّا

والله ما حلّفتني يوم صلّيت

قامت دموع العين منّي تهِلّا

جرّيت صوت(ن) فيه ونّة ولدّيت

في بيتك التالي لقلبي يتِلّا

عسى الولي يجبرك في ذايع الصيت

وعسى العَوَض لك في محمد يحِلّا