ياذيب ويش اللي دِبالك وجرّيت

ثلاث عويات بروس المهاضيب

يا خوفتي يوم انت لعواي ردّيت

فقدت مثلي غالي يكسب الطيب

اسّين ياذيب الخلا يوم عَوّيت

عوْيَتك لجّتْ بالضلوع المحاديب

تعوي على غايبْك والاّ على مَيْت

فتراي مثلك فاقد ٍ ذيب ياذيب

فقدْت ياذيب الخلا شايب البيت

عمّي عليه دموع عيني مساكيب

ابو حسين ان كان ياذيب سمّيت

مثلك ترى مبداه روس المشاذيب

مانع ابن عبدالله يا ذايع الصيت

راعي الجزالة والصخا والمواجيب

دعوى سعد ربعه الى منْك عَدّيت

من آل زايد في اللقا ماهي اتهيب

فيا الله يا اللي الناس له حجّت البيت

تجعله في جنّتْك من دون تعذيب