يازين حذرى من كلامٍ تقوله

وحذرى تجافيني وانا ميتٍ فيك

باب الجفى ياكيف برضى قبوله

دام العنى قلبٍ بدابه تغليك

مشيت دربك دون تعرف وصوله

ماتدري انه ماشيٍ فالتهاليك

يدعيك لجل انك تشارك حلوله

وينوي خطاه ابعكس ماكان يدعيك

وماتدري ان اول خفاياه جوله

جوله تميت الحب في قلب مغليك

وتجرح فؤاده جرح محدٍ يزوله

الا بقايا داخل القلب تطريك

تذكرك من ماضي سنين الطفوله

اللي عليها الوصل دايم يباريك

كان الوفاء عنوان قلب وميوله

وكان الغلا بستان يزرع مباديك

ويحصد جميع انواع ورد محصوله

وتبقى جذور الطيب دايم بأراضيك

والزين يبقى فالوجيه الخجوله

اللي ببسمات الغلا دوم تغريك

وشوف العيون الناعسات الذبوله

بغنيك عن كل المزايا ويكفيك

وهمسه على قلب المولع عسوله

يكتب غلاه بكف من هو يناديك

جار الزمان بوصله وغاب زوله

ياعشق من عينه على الدوم تبكيك

لاتحسب ان فرقاك تمضي سهوله

لا والذي سواك بني اعانيك

وكتاب شعري في هواي وفضوله

يطلبني اكتب مابقى من معانيك

والقلب طيب لو جبركم عذوله

وغيًر مسار القافله في صحاريك

ولو حال حول من بعد حول حوله

ماحال حول اللي تحلحل بياديك

شال الجمل مايحتمل من حموله

شدً الرحال وجملة الهرج تعنيك

وطرقت باب ولاسمحت بدخوله

لانك تركت اللي من الناس شاريك