ياسـلام الله علـى الـدرع الـقـوي الضـافـى

جمـع يـام اللـى لمعاصـيـر الــدول نبـراسـه

وللجميع اثنـى سلامـى مـن ضميـر صافـى

ماهمل وبـل السحـاب وذعذعـت نسناسـه

المـواقـف والقـوافـى والحـقـوق اصـنـافـى

والـرجــال اسمـاعـهـا وقلـوبـهـا عـسـاســه

والتجـارب مدرسـه والـشـرح شــرح وافــى

والـزمـان اسـتـاد وظــروف الحـيـاه دراســه

والجنـيـهـي بالـحـصـاه يـطـقـه الـصـرافــى

يحتمـى نقـد الذهـب عـن فضتـه ونحـاسـه

يا(وعيل)(هشام)(مذكر)(يام) رمزاسلافى

ياملـيـنـت الـحـديــد الــلــى قــــوي بــاســه

احـتـزمـنـا واعـتـزيـنـا بـالـجـمـوع اردافـــــى

الـوفــا مـــن طبـعـنـا ومـجـدديـن ارمــاســه

ارثـــــوه شـيـوخـنــا وابـطـالـنــا الـعــرافــي

مـــن زمـــان الـجـبـخـان مــولــع مـقـبـاسـه

يـاهـل الميـقـاف جيـنـا سـاعـة الميـقـافـى

حامسين الشعر حمس البن فى محماسه

حمي راسى من حماسى وابتديت بقافى

لاقصـر عـن مستحـق ولايـسـاق دسـاسـه

كلنـا (العجمـان) حـتـى نـبـدى المشـرافـى

وكـل مــن ســود الليـالـى ماتغـبـي راســه

ومـن وفـا مـع يـام مـن يـام الوفـا يستافـى

وانتـم أهــل كـويـت ثــوب الـعـز يــا لبـاسـه