ياطيــر 631 ياطير ياللي في السما تكثر الحوم اخايلك من عصر وانته تحومي وقع عليك الله وامانه من السوم ولاابتعد عني بروس الرجومي وكانك مغادر من شرورا بك هموم؟ فاانا بعد ياطير زادت همومي فياطير انا بعطيك مرسال وعلوم سافر بها ياطير وانقل علومي ملفاك ابو ناصر عسا عمره يدوم ذيب على درب المراجل عزومي خوي الخوي زبن المجنا وزيزوم شوق الهنوف ام الغنج والوشومي ثم بلغه عذري لايغشاني اللوم والاجواد تعذر من قديم السلومي وان كان جوك ياابوناصر به غيوم فالشمس تشرق ثم تزيح الغيومي والعبد يصبر ذا مقدر ومقسوم وللصبر من حظ النشاما قسومي ذا الوقت عاند كل نشمي وشغموم ومعز كود الناقصين الرخومي ارقى على كتفي ياابوناصر رجوم وبوردك من عد صافي الجمومي انا لك جبل شامخ ذرا كل مضيوم لي قصرت الاشبار يمناي تومي ومن بعد ذا بشكي وانا اليوم مغروم وكم ليلتن تغرق دموعي كمومي اون تالي الليل وان جيت ابا النوم جاني خيال الزين ثم طار نومي خلي سكن في ابراد ومن دونه القوم واصبح فؤادي في غلاته هيومي الشاص يشكي من خبوتٌٌ ومن حزوم وخط المجمع صار يشكي لطومي كله لعين اللي على خده وشوم اللي طبع بالقلب حرز وختومي والمعذره لو طال خطي وملزوم وان خانني التعبير ماله لزومي وختامها مني تحيه ويشموم ومفتاح الفرج من عند رب رحومي
ملحمة نجران