ياقصر مانا انخاك قلٍ والا ذل

والا خذتني من سببك الحسيره

وقصور ربعي كلها فوقك اتطل

وفيها كرام وفي بناها نضيره

اداعبك من شان اغني وامول

والشعر قدله في خفوقي جريره

ومهما غلاك ان كل حاجه تبدّل

وطبع الحياه وجعل في لمر خيره

ومهما حصل لا كل منه والا مل

عزومي لما جا في حياتي كبيره

اقبل بما جاني من الله والا ازعل

ورضاه والدنيا بعيني صغيره

وحالي بحال اللي نباهم يطول

وهل الشجاعه والكرم تستسيره.

كل ابلجٍ من حيث ماجا مجمل

لااسمع ندا ناخيه يلقا المغيره

اصغر صبي منهم لما شار يندل

والنظر واسع والروابع بصيره.

وجدّي منين ما صلح بالنظر حل

ويحجر بديره ويتملك بديره.

ومواقفه بين القبايل تجمل

ويعطي عياله في حمايت قطيره

ونا على ميراد لمجاد منهل

ولنا مواقف في لمور الكبير

و لنا معااليامي حصون انتضلل

وناخذ ونعطي فاالعلوم السفيره

هم درعنا لما ارجف الوقت وختل

وحن صرخهم عند العلوم العسيره

قلته وانا من وايله لنّسب دل

قبيلتن اعز ونزه قبيله

زبن الوزي ولطارش البعد مدهل

وفيها على مالحق همدان غيره

وجمع القبايل تعقد الحبل وتحل

وكلن على سلمه يقود المسيره

والا خير فااللي ليتكلم يتول

يحسب حقوقه ويهضم حق غيره