ملحمة نجران يالله الي تعلم اسرارنا والحال
خبيرٍ بعبدك ظاهراته ومكنونه
تجاوز خطاي وترحم الروح من الاهوال
وسخّرلي الي يقصر الجهد من دونه
وافصح لساني واجمع الفكر لما عال
وعنّي على مالناس مني يريدونه
ابا اجر عذب الصوت في رايق الموال
بطرقٍ جديد ويعجب الي يشلونه
تدفق هجوسي كنها الماء من الشلال
ويسقي الحضر والبدو بالمال يردونه
ابا اسد شانٍ في طرف لابتي الابطال
ولي غبت منهم شانهم بايسدونه
بني عمي الي تنطح الشرح لما عال
يحول على درب الجفا مايحنونه
اطبّق رضاهم واخدم اجيال بعد أجيال
والى شاش ابوحاشد لهم لا تلومونه
من صغر سني لين قدني على ذا الحال
وانا في اللّزوم اللي لهم منثني دونه
مشينا على ذا الدرب لكن نبا المنزال
على المنهج الي كلبيكم تحبونه
ونطلع شوي من التشداد والعقال
ونلعب على ذكرا هوا كل مزيونه
ابو جادلٍ من فوق الامتان كنه حبال
وخشمٍ مقوس والحجاجين مقرونه
وخدٍ يتيه به النظر كنه نص هلال
ويذهل صغير السن والعود بعيونه
وانا استغفرالله لانحاسب على الاقوال
نعيش التخيل والغلط لاتسوونه