يا الله طلبنا الرب بواج السفر

ياللي كريمٍ مايخيّب طالبه

بليلٍ على الديره ينشي بالمطر

على الوسيطى تنتشر سحايبه

نرعاه بالطرعات حسكات الوبَر

لي صد منها اللي عيونه رايبه

اللي يدوج من الكويت إلى قطر

يضحك لما ورّم لحم ترايبه

بنت الردي لاأحدٍ يلبسها الشهر

ولاتعنّى صوبها ركايبه

ياتي ولدها فيه نوع من البقر

والشمس مايدري متى هي غايبه

يوطّي عقاله ويتغمشش باالغتر

ويحيل عينه صوب بيت العايبه

هماز غماز يدور للقشَر

وخطْرٍ على خبثه ينوش قرايبه

فيهم كما الحيد الصليب من الحجر

وإن جا الملاقا يقتضي نوايبه

حسه كما حس الجمل لما هدر

والذيب ولد الذيب كلاً هايبه

وخطوا سنافي على الدنيا صبَر

يصبر الى كثرت عليه مصايبه

ومن تعنّى لابن عمه بالظفر

هو مثل من يمناه تلطم شاربه