يا الله يلي بنى بيته تحجه عباده

طلبة الله على كل المطالب تبدا

من توكل على ربه يحصل مراده

وترتفع رآيته في كل مقصد ومبدا

يا جزيل العطا تسقي لكلا بلاده

ينتعش كل عد وهجمته ما تردا

أنصح اللي من العالم فطين فؤاده

الخطوط الحمر لي شفتها لاتعدا

أنت في عهد سلمان ومحمد سناده

ذيبهم بالعدو قبل يتعشا تغدا

لحقوا البل هل البل ف الجبل والنجاده

كل من يلعب المنكوس للعب هدا

الحزم والعزم واضح وفن القياده

عند سلمان بن عبدالعزيز المفدا

خبر اللي يعاند ما يفيده عناده

ابن سلمان يكسر شوكة اللي تحدا

والمجاهد على حده يشجع جهاده

دون حده يشمر ساعده ويتصدا

للعدا ينتصر ولا ينال الشهاده

ما ضوابه من الثنتين للواجب أدا

جيشنا اللي على حد الجنوب امتداده

حسب اوامر قيادتنا على الخصم ردا

وكل زرع مخالف حان موسم حصاده

صاحب الشان لظهور البواخر تجدا

راح وقت التكسب يالغلط واعتماده

والهوامير ف الحسبه من اردا الى اردا

لا عدمنا من احرقهم على اول هداده

لين راحوا نثر في كل عيطا وجردا

وانتهى البيع بالجمله وطاحوا اشداده

واصبح البيع بالمفرد ومن حد لدا

من كسب زاد غيره مات ماذاق زاده

وسلط الله على يده من العرش يدا

المراسيم شف ماعاد فيها هواده

ومن تراجع وعاذ من الشياطين فقدا

عاكس السير سنوا ف المواقع طراده

وابو زعبل كعام العائل اللي يهدا

يا جماعة عليكم بالصبر والركاده

القسائم جزاها يوجع الناس جدا

خلوا اللطم ياتي في وجيه القراده

والطيور تخضع صقر وشبوط واحدا

م اعجل الروس بتراجع طبيب العياده

كل راس يشم القاع جيفه يفندا

ابن سلمان ماله ف المخرب عواده

ما يجيبه مديح باللسان وتفدا