يا عم راح الوقت والعمر رايح

ولا بقى الا مثل ذكرك وشرواك

خلدتها بالفعل يبو الجوايح

على النقا والطيب فعلك ومبداك

ياشد باس ويا لطيف التسامح

ويا هيبتن ترضخ لها قادة اعداك

ويا شدت المضيوم لي صاح صايح

ويا فرحت الضايق من الوقت لي جاك

ويابو الحديث الزين والوجه ضايح

ويا كم ضحكنا من سوالفك نفداك

افداك وانت اتسير وفداك طايح

وفداك لين ادفن ونبعث ونلقاك

لنك ملقني علوم ونصايح

ومتحفض ان بلي معي من وصاياك

واضحك مع ذكراك والدمع سايح

على خدودن بادها حزن فرقاك

ولعمار بيد الله في كشف واضح

ودي ليقد بتروح اروح انا وياك