قصيدة الشاعر راشد بن حسن بن الذيب العجمي قالها في ال جمعه

يا ونتـي طـالـت ليـالـــــي زمـانـي

وانا اترجـا كلمـة مـن هـل العـون

افـز انـا لا قـالوا الصبـح بـانـي

وأكـره إلى غاب السفر بت محزون

بـان ابـن عمـي مـن صـحيب الفهانـي

جـاني وصحبان الفهـاني يعقبـون

حكايـة المجلـس كبـار التمان

ما شفتهم في حزة الضيق بالعـون

تعـالمـوا ربعـي وزاروا مكان

يالله عسى ربعـي علـى العـز يبقـون

ولا قعد منهم حـد مـا نصاي

الا الذي فـي الأمـر مـا هـم بيـدرون

جـاوا ال جمعـه قـبـل قـاصـي ودانـي

كبـارهم وصغارهم مـا يغيبـون

جـا نـاصـر يـصـهل صهيل الحصانـي

عندي وقف والله وخلقه يشوفـون

يـوم الرخـا مــتــلايـمـيـن وزانـي

لاعـدهم يــاتـون مـن فـوق مليــون

واليـوم كـنـي مـا عــرف مـودمـانـي

تعـذروا صحباني اللـي تعرفـــون

مـا سـرنـي بعـض الـعـرب يـوم جـانـي

يسحب جديـد اللبس والجـرم مـزيـون

حاذور بنـت الـلاش لـو كـان دانـي

يـاتي ولدها قاصـر الشـبـر ممـهـون

علم سمعته يـا ولـد مـا خـفاني

حكـاي فـي ربـعـه علـى الهـرج مفتـون

يـوم اسـعفت للـي علينـا ظـمـانـي

ربع لنـا مـن فعلنـا كـان يشكـون

ما دام منصـور وناصــر وزانـي

كنـي بـغـار المستظلات مكنـون

اهـل النباء الطيب اثنيـن اخوان

شهامة الوالـد عليهـا يعيون

عيـوا عليهـا مـن بعيـد ودانـي

طريقـة الـوالـد لـهـا مـا يبيعـون

منصـور لا جـات المواجيـب بـانـي

يمـه منـاعير النشـامـا يـمـــــــــــرون

هـداج تيمـا كوكـــــــب ريهجان

شط الفـرات اللـي لـه النـاس يـطـرون

لا كبرت القالـة ضـلـوعه أمتانـي

عليـه سـتـر اللـي لبيتـه يحجون

عليه ستر الله رفيع المباني

اللي نصر موسى على قوم فرعون

لا شفت وجه في لدرك قد غشاني

أقنعت بالمخراج والرزق مضمون

زود على طيبه لنا معشراني

جعله لنا في منصب العود مرهون

جعله يمده في نعيم الجناني

أرث لنا اللي عقب ما غاب يكفون

عيال من يروي رهيف السناني

زيزوم مقدم سربة شونها شون

شيخ لنا كنه سهيل اليماني

مانع بن جمعه به الناس يدرون