ياطير ياللي في سما جوَنا حام

خذ الجواب ووصله في عجاله

وأنص الرجّال اللي تنشّد بالأعلام

وأنقل تحياتي لهم في رساله

أهل الوفا والجود يوم الردي نام

ياسعد أبو منهم غدو له سلاله

من صلب جدي وأفتخر في ضنا يام

جمع آل مره والنعم يالأصاله

وأخص رجلٍ من هل الشأن ضرغام

معرّبٍ من صوب عمه وخاله

لو المراجل بأوسمه يملك أوسام

من غير أبن عزبين راعي الجماله

عبدالله اللي يشتكي السجن منظام

بلاه مادوّر علوم الرذاله

يفداه من خلى المواجيب نمام

الله يكرم قاريٍ من حثاله

ماكل من خاض المعارك بمقدام

ولاكل مسترجل ينوم رجاله

ولاكل من يظلم خذى حكم صدام

ولاكل مسكينٍ تحكمه فعاله

من وسط نجرانٍ الى غبة الشام

فعلك ينومسهم ورب الجلاله

مادام دارك منبع لدين الاسلام

وحكامها ساسه ورمز العداله

فابشر تراها كلها عدة أيام

وتشوف نورٍ ماتدمه ظلاله