أبطيت في سجنك 229 في سجنك ابطيت ساهن بلفراج واثري انا والياس رحنا وجينا لا يا بعد كل القرايب و لحناج ما ترحم اللي في عيونك سجينا ابيك يا لبيك و لشوفك احتاج وانسى همومي يوم تنوي تجينا من شانكم عفت المطالب ولحواج ومستقبلي من شانك ابتاع دينا قد كان حلمي قبلكم نجمة وتاج ومكتب اداري فيه شوري ثمينا وصدفه خرب ذا الحلم في عيني وماج يوم افتقدتك ضاع ما قد بنينا حسبي عليك اللي تلبيه حجاج بكيت عين وانت فيها الظنينا لك في ضميري حب مكتوم لجاج لج الضوامي فوق عدٍ قطينا حب ما ينقاس باميال واسياج كبره عجز يحويه سور الصوينا حب لو قلنا يوزع للازواج كان الطلاق اليوم جرمه متينا ومن يتهم بالجرم يحلم بمخراج يحكم عليه قصاص واصبح دفينا حب لو تنخاه جا مثل لفواج من كل صوب يجيك منه عوينا حب لو ينحط في وجه لمواج تلقى عسير الموج تحتك يلينا حبٍ قطعت العهد ما منه انا خاج الين ما ذا النبض يصبح سكينا وان قلت بنسى فعرف ان العقل داج وسبك جنون الثور قد حل فينا يا كيف وانت اللول والماس والعاج وكرسي من الديباج تحتك مكينا لك تنطوي سادات وملوك واغناج زينك طبيعي وانت كلك رزينا ماهوب زينٍ زيّنه لون مكياج زينٍ عطاه الله وصفٍ حسينا زينٍ يحط الورد في قمة احراج حتى غصون البان راحت طحينا فيكم اشعاري شكت منْها لدراج ولجلك على بحر الجواهر رسينا وغصت في بحر الفرايد لما الصاج حتى اشتكت لوراق من ما ملينا ابطيت في سجنك و لا جاني افراج واثري انا و الياس رحنا وجينا
ملحمة نجران