أحمد الله واشكره في الخفا واثني عليه

وتو خلق الله علي نعمة الله واضحه 

وشي لله ورسوله شرف واطمع إليه 

وللخشوع دموع عيني وانا ادعي فاضحه

يا جليل الملك ياللي لعرشك معتليه 

عزني يا رب بكبر تجاره رابحه 

ورب تجعلني لطيف يطيع أمه وابيه

طاعة إسماعيل لرضاك أوامر ذابحه 

فكل شاعر ذو مبادئ وله عقل نبيه 

وفكرته ببحور لطف المشاعر سابحه

من قصيده يتضح كل طيب معتبيه 

وفكرته ما دونها المستحيل بكابحه 

ورب تجعل وقت حق علينا ما نبيه 

بعد ما نقرأ التشهد ونقرأ الفاتحه 

وحيناء سعداء لكن ، بلا غي ن وتيه

وأمتنا ميتة الشهداء الناجحه 

فموتي احسن لي ولا اعيش لي عدة وجيه

مرة ن ابلج حجاج ومر مشاححه 

ولا مشلول نعا والله وجهي وش يجيه

واحمد الله فكني من مصيبه فادحه

مرني لي حالة عزتي للي تجيه 

واشتقا بي صاحي راس همي سادحه

الله يرفع من تواضع وهو شخص وجيه

ون بدا شاني شرارات ضوه قادحه 

الرجل والله ما يشتقي به غير أخيه 

حاجة معروفة مثل شمس صادحه 

المهم انه أخ حتى ولو شحت يديه 

خاتمته يقوم بحمولك المترادحه 

ومن طراة الأخ ربي للخوان يهديه 

خَص إذا كانو اخوانه صقور جارحه

آنف الذكر أثبته بس ماني مبتديه 

وانت مؤمن ينفعك كل ذكر شارحه 

هاضني من فيه حس الرفق قام يحديه

وزارني في ليلة ردها جا البارحه 

بيض الله وجه من لبن عمه يفتديه 

في المرض ولا لمن البنادق قارحه

لابتي مطلق سلالة هشام وولديه 

اجمع وعيل وبسمي عجيم طارحه 

كل حر ن الظفر زاد هرمونه لديه 

وانعكس في الفزعة اللي لقلبي قارحه

سعد الأخت اللي تعزوا بها من والديه

كل ما طرا اسمها من فخرها فارحه 

واللغم لو دون من ينتخيبه يحتذيه 

اشهد إن ذَا الفزعة اللي بكل مصارحه 

جاني اللي به وصوف المراجل ذي وذيه

من الطعن لي فرشة سراه دون مشارحه 

وانشد اللي غاب قل: ليه؟ ويقل لك كذيه

يتقي بالرايحه من ملام السارحه 

ون سأل عني فقل: عادني ذَا محتريه

وكيف ينسى قلب بن ناجي من جارحه

كل ما باع الرفق واحد قمت أشتريه 

حتى قصر العز منه امتلت مسارحه 

وكل كذب في قفانا هرج به مفتريه 

صار عز نرتفع به وذل طارحه 

ومن حسدنا يكفي الخوف دايم معتريه

هيبة تروي إبلنا من عدود نازحه 

يحسب إنحن ندري بغيب قلبه ونحزيه 

حتى لو قمنا نسولف معه ونمازحه 

خله ورد القاف في راعي العرض النزيه 

واكتب اسمه بدل اسم لآخر اللي ماسحه

اقصد اللي يعتزيبي وبالمثل اعتزيه 

ويعنالي من بعد مع إني فاسحه 

مثل خالد جعل ينساه ربه من نسيه 

نسل فراس بن فارس وطبعه راشحه

والعتيبي كل نعم سحابه يغتشيه 

ونور راعي الأوله في عيوني كاشحه

وكل من في جوده يراقب الله ويخشيه

واحمد الله لي مناجم كنوز فاصحه 

عقب اللي ما يجمل سوا الناس تحشيه

سمعته صفر ولا له قلوب ناصحه 

وجنب اللي كثر الله ماله ويعصيه 

جعل ذوده لا ورد نكصت متكاصحه 

جاحد المعروف ملعون يصلب ونحصيه

ما درا ان لحجار بالما بعضها ناضحه 

وما درا إن الدين راعيه لازم يقتضيه 

والجبل ما يدري إنه خبل من ناطحه

زرع قلبي كن سود العقارب ترتعيه 

بعد وزني خيبة للهقاوي طافحه 

خيبة حفظت (خبطتي جنينش فوجعيه

ون عفيتي عنه خلي السموم تلافحه

ون طفح كيل الخطا للحكيم من السفيه

ألتمس عذر وبالصبر قام يكافحه 

ون تمادى بالخطا والصبر ما باك فيه

فجبرت يمنى الحليم اللي زيد يصافحه

فالجرب لا يقبله كافر ولا فَقِيه 

علموا من يقبله ماهو بمن صالحه 

وناقل العدوى على اللي يشوفه يشتكيه

والقلوب الصالحه تعزل من الطالحه

فكل فيروس يتكاثر بسطح يعتليه 

حتى يصبح علة عالميه جائحه 

انتهى ذكر الخبر والسؤال اللي يليه 

قاطعك لو تاصله ، وقطعك ! بتسامحه

لا تفكر في سؤالي ولا تجاوب عليه 

قبل يبدي لك علي للجفاء ملامحه 

وبعد ما يبدي علامات شيء ن آعنيه

بعد ذلك فرصتك للإجابه سانحه 

عزتي للي يساوم بشيءن يقتنيه 

وعذبه منة مدير اللجان المانحه 

وعوض الله من خسر فالهلل ربح الجنيه

وفكه الله من طوارق جنون جانحه 

وكان مالله حقق لعبده اللي يمتنيه 

كيف يبغى عبد مثله يلبي صايحه 

عنتر لو كان يصبر على فرقى بنيه 

لو ذكر عبله براسه تنوح النايحه 

شفت ؛كيف إنه تحمل لحرق يكتويه 

ومات حسره ساع مره ضعنها سارحه 

أحسب إن اللي يعرف الصقر ما يشتويه

حتى صدفه شفت جنحانه اللي طايحه 

واحسب انمن فيه قلبي متيم مهتويه 

حتى ثار إعصار به ريح غدر فايحه 

يا سحابه ضامي ن ودي اشرب لي مويه

أروي قليب عروقه بدمه سايحه 

بعد ذكر اللي ليا مر طيفه قلت هييه 

احسب إنها هي واثر العلوم مشايحه 

أعتقد بينت لك ما بقلبي كلبيه 

وكان ذَا الدلوأعجبك ماه انا اللي مايحه

و بِسْم من لا له شريك ومثيل ولا شبيه

اختتمها وكتب اسمه بعالي اللائحه