ألا يالله يا عالم بغيبي يا عظيم الشأن

عظيم الشأن يا عالم خفاياه ومحصيها

أنا برسم بيوت في ضمير قد لها ديوان

وبابين معانيها لكاتبها وقاريها

أنا من صلب يام اللي لهم من ساسهم عنوان

ملينة الحديد اللي نشاء قبلي مسميها

شي صناع الحديد من أول إلى قال يام لان

ولاني أقول قول إلا دلايلها مواريها

هل الشيمة هل القيمة هل النخوة هل العرفان

عوايدها على وضح النقا ما هي تخليها

عوياد يام إلى جاء يوم عج وكتم الدخان

تبيع أرواحها إلى بان واجبها وحاضيها

عوايد يام ريف للضعيف وسم للعدوان

تعز اللي يصادقها تهين اللي يعاديها

عوايد يام في حق الخوي الضيف والجيران

تقدرها وتمنها وترفعها وتغليها

عوايد يام مسك وعنبر إلى بانوا الصدقان

تكافي الطيب طيب تقدر العشرة وتشريها

هل الجيرة لهم سيرة لهم تاريخ من الجدان

وزا العاني ذرا الجاني عوايدها تقديها

ولا خانوا ولا بانت لهم خونة مع الخوان

على وضح النقا تمشي تقديها نواصيها

وعرّاف مع العارف لهم في المعرفة ميزان

ولا تخطي ولا تقبل خطا الي طامع فيها

كرامتها وهيبتها تحامي دونها الفرسان

ولاهي تقبل العوجا لما بانت تعديها

فعول ساس ما غرست وهم من ساسهم شجعان

ولا اذم القبايل وكل ديرة حقها فيها

سلوم رجال يام القديمة من نزل نجران

يحل أمن ويستامن عهود الله تباريها

تعز الجار ولي شيء صار ما عابوا مع العيبان

تبيع أرواحهم من دون جيرتها وتحميها

عوايدها الحمايا لا ركز للطايلة نيشان

توقف بالحمية عند حاضرها وماضيها

لما نوخ ثقيل الحمل ثم بين لها البرهان

تنسف حملة الكايد لما نادى مناديها