أنا في رجا الله وانتظر ما رجيت الناس

جزيل العطايا ننتظر للعطاء منه

ولو طال صبري وانقضى ما قطعت الياس

من اللي الى احتجنا عطانا بلا منه

الله يعطي الناموس والمركز الحساس

ويعطي كنوز الأرض والملك والجنه

أنا يا كريم الوجه صوبك رفعت الراس

ومن ظن منك الخيرمايختلف ظنه

افزع لي برزق وسهله يبعد الهوجاس

وفرج على اللي ضاق صدره من الونه

نحث الركايب من طواري شديد الباس

متى مَ انهزع متن الجمل من حزم طنه

تجس الديار الركب من خلة الجساس

اللي من شروق الى غروب يحداهجنه

عسى الهجن من عقب الصلف تنحر النسناس

وتلحق ربيعه قبل ما تظهر الكنه

عجاف السنين تلوب مبنى قطيب الساس

ولا يلفت ويصلي الفرض والسنه

وتعكس الرياح السفن وتنحي الغطاس

ولا ينحرف مهما حصل وتعبر سفنه