حزًت بخاطرك وادري بك بكيت

من زمانٍ عانق احزان الغياب

فيه تذكر قلب ماعنه سليت

واقعه يفرض عليك الأغتراب

مت ساعه فيه ولا ودك حييت

من بعد ماشفت وش معنى السراب

كنت تنظر للوفاء الي به لقيت

شخص واقف ينتظر منك الجواب

جاك في قلبه غلا منه بديت

وفي لسانه حشد كلماتٍ عذاب

جاك بالأمال والي به جنيت

من قصورٍ شامخه فوق السحاب

مدرى ان دنياك تهدم مابنيت

وقفلًت الأبواب بابٍ بعد باب

تزعلك في ساعةٍعنها رضيت

وتكتبك عنوان في اعظم كتاب

في معانيه خذيت ولا هويت

من بناء حبه على سور العذاب

يحسبك تذكره وتذكر مانسيت

ان عكس البعد يعني الأقتراب

وان واقع ماخذيت وماعطيت

معنى ماياتي بعده الأنسحاب