استمع يلي ورى دنياك ما بلا مدرهم

كم جرى غيرك وخلاها وروح للحفيره

خذ نصيحه واحد مثلك وفي طبعك مصمم

وقالها لعلها تنفع معه وتفيد غيره

وان قراها خايف الله يحتسف مما تقدم

ويتخذ نهج الهداء درب مصابيحه منيره

بعضنا قدهو يحك بجمب اخيه ولا يسلم

غرته دنياه وابهى في الكبيره والصغيره

وسالف الدنيا غرور وماتداركها ابينا ادم

ماتطاول فوقها يقصر وقلبتها خطيره

والبخيت الصابراللي محتسب ولا تكلم

وكل ماضاقت عليه شوي قال الا سفيره

يتعظ مما يجيه ويلزمه لمر المصرم

والامر لله ويرجع له ولايرجع لغيره

لا تقول الوقت تلميذ معك وانت المعلم

شف زمانك دائري مثل الرحى اللي مستديره

وفي خفاه علوم ماهي تنحصى ولا يعلّم

والله اللي يامره يسطب ويمشيه ويقرر مصيره

كلنا ننغر لين نشاهد الظرف المظلم

جعل حن ما ندخل الظماء ولا نصلا السعيره

اللهم صل على محمد وعلى اله وسلم

وجرعبادك من بلا ذا الوقت وغمرهم بخيره