أكتبيني في سطور الذكريات

واحفظيها يمكن تهون عليك

وأكتبي عنوانها ماضي وفات

وأكتبي ان المستحيل ارجع واجيك

لاترجيني ترى مافات مات

مابقا في شي واحد يهتويك

صرتي أنتي وكذبتك عندي خواات

ولو عذرتك صرت فالكذبه شريك

والكذب حبله قصيراً فالحيات

وانا اكذب لو اقول اني ابيك

عيشي الحاضر بذكرى الماضيات

وشوفي المستقبل اللي يحتريك

وعلمي باللي حصل كل البنات

علميهم كيف بعتي مشتريك

وعلميهم بالنتيجه كيف جات

وقبل فعلك كيف كنت أمووت فيك

وأذكريني بكل مافي من صفات

وأصدقي الله يرحم والديك

وقولي قولوا اللهم لاشمات

قد زرعتي وأحصدي الزرع بيديك