البقا ياشمري والرس توه

شاش لك يا شمري قول وفعايل

والطنايا اهل المواقف والمخوه

والصدور وساع وكرام السبايل

والمعاني اللي استثارتني بقوه

جاك ردي خدمتن لعيال وايل

مثل سيل ان لي تحدر من علوّه

ترتوي في جرته جمع الفصايل

يبتدي من منبعه ويروح توه

من جنوب المملكه لي حد حايل

ياصل اللي ما محاصيله بحوّه

الكرم لشمري قدله دلايل

وكل حر في ردوده لك ينوه

وحن نفضل فالثمر قطف القلايل

وختصاري فالحكا ما هو بشوه

الرموز اشعارنا والشبر طايل

والتبادل بالمكارم والمروه

رمز ولها فالخلايق فضل هايل

ومعرفتكم عندنا فخر ومنوه

والبزي حقه علينا من لوايل

لابتي دون البزي ماهي تموه

تنثني في كل ماله ماتخايل