الدره المكنونه 385 قلب ياللي مع حمام الورق جر لحونه من هواجيس عزفها باللحون لساني كل ماقلنا انجلا هجس الظلام ولونه دكني بالجاش داكوك يدك اركاني الله اكبر ياغرابيل الهوا وشطونه كيف صار الحب بعيون المولع جاني وكيف خلا صامل الهقوه تخيب ظنونه لين صار يشك في البندق وفي النيشاني ياوجودي وجد من كثرت عليه ديونه بين حظ عاثر ومطارد الدياني لارفيق شل حمله والزمان مهونه رد شفه شيمة من عادة الجداني او وجود اللي دريك وادركته طعونه عقب ماحقق غريمه ماقضى به شاني كل همي والتوجد في هوا مزيونه جادل تلت عروق القلب والشرياني كنها ماكنها الا درة مكنونه ويش لول وويش ياقوت الا وش المرجاني ليت شفي بالشعر يطغى على قانونه استعير الوصف من توصيف ابن جدلاني لين اقلد بالجواهر مهرة مصيونة مهرة مصيونة ماطبت الميداني جيت اباصفها فقال الشعر يامجنونه القوافي اقبلت طوع بدون عناني خشف ريم كن خده في سواد عيونه برق ليل في سحاب وابله هتاني في كلامه لو يحقق جملة موزونه صارت الجمله قصيد يعزفه فناني ومن حلاته لانكتب بين البشر يقرونه ينحفظ ويصير تاريخ مع الازماني كل كلمة من شفاته بالثغر مفتونه وكل حرف تنطقه راهي يجي روياني بري حالي كل ماهب الهوا بغصونه ثم ماطرالي ماطرالي عاد شي ثاني الحلا والغنج وانواع الدلع وفنونه وطلة فاقت على ( بشاير الشيباني) في رموشه حزب ليكودي مع شارونه وفي جبينه فرحه الولهان بالولهاني وفي ابتساماته سلام العالم المشحونه وان ضحك له ضحكة تقطع ضما الضمياني والله انه صار طيش الفرحه المرهونه اعشقه لو يلعب بقلبي مثل ( زيداني) وان عبرني طيفها والقلب جر لحونه فز قلبي في هواها فزة الشيهاني
ملحمة نجران