الصوت شحب خلفكم يامقفين

والشعر فيكم خلص مداد الاقلام

لبيه ما احلى عام الفين واثنين

يوم انت في حبي تحطم بالارقام

مدري وش مغيرك ياباشة الزين

عن حب من بيدك رمى القلب سوام

وانت الذي مرتاح في وسط ذا العين

وغيرك بكا ما شاف مني تبسام

واتذكر الليل الذي جيتو اثنين

تبغون مني راي وإنصاف واحكام

وطالعت في عينش وكنش تقولين

تكفى قل اسمي يا بعد كل من صام

واخترتش لقلبي و بكيت مسكين

اقفى ووجهه ممتلي حزن وآلام

ريتش عن اللي في ضميري تحسين

والا عن المكنون لش طول الايام

يا اول غرام(ن) صب وسط الشرايين

ويا احلى لقا عشته مع قائد اريام

يا اقسى من اللي في نوايا الشياطين

ويا اعذب من النسمات في جو لغيام

يا العن وداع(ن) كيته بين جنبين

ويا افتك من سهوم(ن) على ظهر همام

لو هيبتش هزت حجر سور برلين

وش موقفي عندش وانا كلي عظام

حبي لش اكبر من عروش السلاطين

واصدق من الدمعه على خدود الايتام

واحلى من هروج الغزل بين جنسين

واكثر من اللي قيل في موت صدام

حب(ن) يخلي الصخر مقسوم نصفين

حب(ن) كبير(ن) ما يقدّر بالاحجام

يا اغلى من دموع(ن) على ناس غالين

ليا ذرفها بينهم شخص منضام

يا كيف لا جا الليل قمتي تنامين

و منّش انا و الليل في حرب و آلام

صوتي تقطع خلفكم عدة سنين

و الشعر فيكم خلص مداد الاقلام