الـشـعــر مـاجـيـنـا نـبـيـعـه ونـشـريــه

نـهـديــه هــــدو لـلـنـشـامـا طــروفـــه

والـمــدح مايستـاهـلـه غــيــر راعــيــه

الـلــي مـواجـيـب الــوفــاء مـاتـطـوفـه

والطيب حتى فـي دجـاء الليـل أهاليـه

مـثــل الـنـجــوم الـبـيـنـات امـعـروفــه

وقـائـد معاصـيـر الــدول جـيـت ناصـيـه

سلطـان شـوق العيطـمـوس الهنـوفـه

شـيـخ الشـيـوخ الـلـي نحـبـه ونغلـيـه

ويفـرح بــه المظـيـوم سـاعـة يشـوفـه

سـلـيـل مـــن داس المـنـايـا بـرجـلـيـه

وفـرض علـى الكايـد مـضـارب كفـوفـه

لـلــضــد مــايـــدراء وكـــــلآ يـــداريـــه

والـخـيـل لـلـيـوم الكـبـيـر امـعـسـوفـه

وحصـل وراكـان المسمـى حـضـر فـيـه

ويـــام ومـذكــر والـهـواشـم صـفـوفــه

شـيـخ وفــارس واروع الـشـعـر بـانـيـه

وكـم جـب راس امجـربـن عــن كتـوفـه

وقحص الرمـك تـرم الفـلا سـاع توحيـه

وأبطـال مـن فـوق السـروج امحـذوفـه

بــطــل يــبــارز كــــل بــطــل يـنـاديــه

مــاخــاف أبــــد الآمــــن الله خــوفـــه

حـطـم كـيـان الـتـرك وأفـنـى دواهـيــه

وتشـهـد لتـاريـخـه مـضــارب سـيـوفـه

ودربــن يبـوجـه يــوم صـكـت نـواحـيـه

حـلـف وبــاج الــدرب عـقــب الحـلـوفـه

ويصعب على الشاعر من الشعر يوفيه

وحـق القلـم يصعـب عـلـى فيلسـوفـه

وراكــان مـجـده وراثـــه مـــن مجـانـيـه

وعـلــى وريــثــه وارداتــــن وصــوفــه

نـعـم الحفـيـد الـلـي يفـاخـر بمـاضـيـه

ويـفــداه مــــن لايـعـتــرف بـمـعـروفـه

تـاريــخ راكـــان بـــن حثـلـيـن محـيـيـه

وآلـــى وقـــف كـلــن يــقــدر وقــوفــه

وآلـــى دعـــاء يـــام العـريـضـه تلـبـيـه

مـثـل الـحـيـاء تـبــرق وتـرعــد قـنـوفـه

ويـقـدر الـلـي لــه حـقـوق ومـشـاريـه

ويـحـتـاط للـخـشـم المـعـانـد زعـوفــه

يـاحـضـرة الـغـيـاب والـمـجـد حـامـيــه

عـــن الـعـلــوم الـزايـفــه والـزهـوفــه

لـك القصيـد اكبـر مـن الهـيـض حـاديـه

جـرمـن جــرت بـيـن القبيـلـه احـذوفــه

مـاغـيــر رجــالـــن بــرجـــال يـكـفـيــه

ودرب الـصـلاح امـــرار تـكـثـر صـدوفــه

وعلـى اي حـال اهـم علمـي وصافـيـه

ربـعـن دفنـهـم قـبــر الاحـيــاء بـجـوفـه

وسلمان لـه حـق الزعـل ويـش يرضيـه

وهــو المـعـزب وانـتـوا أغـــلا ضـيـوفـه

والـلـي بجـاهـك يـابـن حثلـيـن تنـهـيـه

عـنـه الـشـوارب والـدقــون امحـفـوفـه

والــرابــح الــلــي واجــبــه مايـخـلـيـه

وخـيــر الـمـواقـف لـلـرجـال امخـلـوفـه

والـكـون مـاضـاقـت علـيـنـا مسـاعـيـه

ونعـرف عراقيـب الـزمـن مــن قحـوفـه

والــوقــت جـربـنــاه مـــــره وحـالــيــه

ولـي الشـرف فـي روحتـي والنكـوفـه

أرد عــلــى عــــدن تــصــدر ضـوامـيــه

عـــد الـــروى تـــروى مـئـاتـه وآلـوفــه

ميـراد مـن كــن اشـهـب الــلال قافـيـه

ولا لـي علـى بعـض المـوارد حسـوفـه

لاهـايـنـن قــــدري ولانــــي بـنـاسـيـه

والحيـف مـالـه حــول سلـطـان حـوفـه

يــفــداه مـثـبــورن دقــاقــن عـلابــيــه

ويـفــداه مــغــرورن كــبــارن دفــوفــه

والشعـر اسوقـه ليـن اشـيـب قوافـيـه

ونـــدرك ولانــــدرك لـكـلــن شـفـوفــه

وقـافـن نهـجـرس بــه وقـافــن نغـنـيـه

وقـافــن وراء قـلـبـن هـمـومـه تـلـوفـه

وقـافــن يوصـلـنـي مـنـهـاي اجــاريــه

مـثـل الـخـوي الـلـي نـراعـي ظـروفـه

ونـعـتــز بـالـطـيـب وفـعـلــه وطــاريــه

وكــلــي قـصـيــد ولاعـلـيــه كـلــوفــه

واجــزل قـصـيـد الـمــدح الاول وتـالـيـه

مـــن كـــل نـبـراسـن تـجــلا كـسـوفـه

سلطـان بــن سلـمـان بالفـعـل زاهـيـه

فـي فزعتـه فـي هيبتـه فـي مضـوفـه

وسـلـطـان والـنـعـم الـمـؤكـد مـوالـيـه

أقـرب مـن النقطـه علـى أخـر حـروفـه

يانـجـل زحزيـحـن ضـمـن بـيـن ايـاديــه

الـطـيــب كــلــه كـامـلاتــن صـنــوفــه

وخيـر الـعـوارف كلـمـة الـحـق ترضـيـه

وارض الحسـد بالحاسديـن ا مخسوفـه

والـنــاس كـلــن هيـبـتـه دون عـانـيــه

والــمــدح مـايـاتـيـب مــــن ومــروفـــه

جاء من ضحى امس اللي تلامع هناديه

والــكــل بــــاروده ودرجـــــه يــدوفـــه

ونـعـتـزبـه والـجـيــل لـلـجـيـل يــرويــه

وسـاس الحقيقـه شامخـاتـن سقـوفـه

وزعيمـنـا مـجــده مـــن الـــزور يغـنـيـه

وعـن كـل تطفيـفـن تـسـارق ضعـوفـه

لــو الكـواكـب صـيـد خطـفـن وتشـويـه

راحــت انـجـوم امشـوهـه ومخـطـوفـه

ونـجـمـن يـبــن ويـخـتـفـي مـانـراعـيـه

الـــى بـــداء وان غـــاب قـلـنـا ذلـوفــه

وتـــدوم للـقـطـب الهـشـامـي ليـالـيـه

سلطـان مصبـاح الدجـاء مــن كشـوفـه

شــع ولـمـع صدرالسـمـاء عـــز والـيــه

الله نــــورن والـفـلــك فــــي كـنـوفــه

لالـــه شـريــك ولاسـمـيــن يـسـامـيـه

الـواحــد الــلــي نـعـبــده مـانـشـوفـه