الــــســــعــــاده 172 قالوا سعيد وقلت وين السعاده وين السعاده والحبايب بعيدين قالوا أفا وشلون ما به أراده؟ قلت أسمحوا لي غايبٍ قرّة العين قالوا تعبت وقلت بتعب زياده أن حرموني شوفته يوم الاثنين قالوا عنيد وقلت هاوي عناده حبّه سكن في دخلي بالشراين قالو بعيد وقلت ماأقوى بعاده ماأقدر على فرقا حبايب عنيدين هذا حبيبي كان ربي أعاده يكون عيدي ياهل النصح عيدين حكم علي تكفون حكم الأباده وخلى حبيبه جالسٍ بين نارين أن جيت برقد حاربتني الوساده وأن همت في الصحراء تضيق الميادين من شرق لي غربٍ إلى أقصى هداده أفرها بالليل والناس ممسين عسى أسلي النفس وأكسب أفاده وأنسى عذاب عايشه قد لي سنين لا شك لي قلبٍ ضعيفٍ وقاده يسوقني حبّه لصف المجانين ليته يحس أنّه مطوّل رقاده وأنّه حبيبي بد كل الملايين توي عرفت العشق راعي سياده من شفت أنا اللي صار مابيننا البين عهدٍ علي أن له بصدري شهاده وأن فرقت الايام تصبح علي دين تحمل لخلي سر ميزة وداده ويفخر بها مابين الاقصى والادنين ماغيره الرحمن خالق عباده عالم بما تحويّه في كامل الزين الحب من ذاقه تحطّم فؤاده يكفيه لا قالوا ترى ذاك مسكين من يزرعه في الجوف يجني حصاده أما كذا وألا كذا بين قلبين ياكم شيخٍ نزلّه من شداده قانونه المجنون غير القوانين حكمه لكل اللي يبي الأستفاده قد قلتها بالأمس وأقولها الحين لو كل من يعشّق يلاقي مراده لا كان عشاق الليالي سعيدين! بس البلى ويني ووين السعاده مادام حكم الله نبقى بعيدين
ملحمة نجران