الف مبروك ٍ زواجك يا حسين

جعل رب البيت يبني لك بناك

اطلب الله يا عسى وفْقك يزين

واتِّبكَّر بالصّبي باول صباك

قسمك من البيض صافية الجبين

بنت قوم في اللقا ذاك إلاّ ذاك

في لزومك ياابو مانع حاضرين

من غلا اخوانك وأيضا من غلاك

من حضر منّا كفا اللي غايبين

واجب اللي غايب لا شك جاك

الزمن خلاّ العرب متشتّتين

ما تجي يا مسندي على هواك

إقبِلوا يا جعل ساعتكم تزين

والسعد يا جعل طيره في لقاك

الف مبروك زواجك يا حسين

جعل رب البيت يبني لك بناك