فاتنه . متفرّده . متغطرسه . بتّاعه

ساحره . متسيّده . متميّزه . اسطوره

شامخه . عنقا . جفول . مكرّمه . جزّاعه

ناعمه . طرقا . غنوج . مشيّخه . أمّوره

عسجديّه . ساحره . متعلّمه . نزّاعه

ناعسه . مهره . عنود . مدلّله . سنيوره

راقيه . متربّيه . متفهّمه . لمّاعه

جوهرة . عنقا . سموح . مدلّعه . بندوره

ماخذن كل الوصوف المسبقه شمّاعه

لجل ابرّر هالغياب المر .. والعب دوره

و إلا انا وصفي على شرواك يقصر باعه

ويتدهور … كل شعري لو تهيج بحوره

و يشهد الله ما تبادر لي فراقك ساعه

مير اعلّمْك الحقيقه واجعلك ف الصوره

جاتك اعذار الغياب اللي حصل واوضاعه

عن تفاصيل الزمان وعن خفايا جوره