ايقول ابن كحله ويهدي حرفه

لاهل المعاني جبت انا الالفيه

الالف .. اولف من هجوس ٍ شرد

جزله ماهي شامية عاميه

والباء.. بديت بذكر رب ٍ يعلم

بالسر في قلب .. حوى خافيه

والتاء.. تبوءة الشداد … الراهي

لاني … ولد قرم وناري حيه

والثاء.. ثنيت الرجل لاجل اربوعي

بالشعر … ادوس اصعب بحر قافيه

والجيم .. جبت العلم واضح.. لاني

من دون ربعي …ما معي ماويه

والحاء.. حمينا الدار …يوم العالم

منهوبه … وماخوذه …. ومسبيه

والخاء.. خذينا … السمعة المعروفه

((سبع القبايل …. نوخت في هيه))

والدال … دور يا مؤرخ دور

وتلقى العلوم اللي ماهي منسيه

والذال .. ذ يل كل حرف باسمي

شاعر … وطاغ وسط راسه غيه

والراء .. ربوعي لابتي … سموها

صيادة الجازي …. بعيدة نيه

والزين … زار الجن حضر عندي

لاجل القبيله … جاء يبوس ايديه

والسين .. سلم اجدودنا يالراوي

يامن… ابنا …. من يدخل المحميه

والشين.. شرع اجدودنا يالراوي

الجار .. يكرم .. ما يشوف اذيه

والصاد .. صدق الهرج من منطقنا

ولا نخون العهد … لاجل السيه

والضاد.. ضد للحسود الحاقد

لا … زام قضبعنا بقوع الحيه

والطاء .. طبعت اسمي وهذا ختمي

غفراني ,,, وقبيلته ,,,, مسميه

والظاء.. ظمان الشعر يشرب عندي

كوكب … يزج الماء على ضاميه

والعين.. عيني صوب شرق الساحل

تلد يالله……….. فرج لراعيه

والغين.. غيم الشعر لاح ببارق

وهل االبرد … ثم سال بالمنقيه

والفاء ..فحصت الشطر قبل اجيبه

قبل يحكون … مدورين الليه

والقاف … قف لي احتراما يامن

قريت شعري .. واشكر الجنيه

والكاف.. كرمت القصيد بقوم ٍ

ابيوتهم فوق … العلا مبنيه

واللام ..لام الله من يشجبني

اذا مدحت … اسم ٍ حضر طاريه

والميم .. مدح الساس يبقى ذكره

وتاريخنا … مكتوب في المطويه

والنون.. نور الحق يبقى واضح

ياحي من صاد الهدف يا حيه

والهاء ..هدانا الله درب العزه

لان التفرق … ضعف يا باغيه

والواو .. وثق ما كتبت وخبر

اني ولد مري وابن مريه

والياء … ياحرفي بالقصيده … عبر

لاهل المعاني .. واقبلوا الالفيه